සුදෝ සුදු කිරි විසුල
වලාවක සැතපිලා
සුසුදුවන් සඳ මුහුණ
සිපගන්න ඉඩ දෙන්න...
කුරුළු තුඩඟින් නැගෙන
මියුරු සර පරදවන
එකම එක වදනකින්
සැනසෙන්න ඉඩ දෙන්න...
වැව් දියට පෙම් බඳින
කුමුදු මල් පියල්ලෙක
මුතු රේණු පොඩ් අතර
සැඟවෙන්න ඉඩ දෙන්න...
ජේ.එම්.පී.ඩී. කුමාර,
කතරගම ප්රාදේශිය ලේකම් කාර්යාලය.
Wednesday, November 3, 2010
Thursday, April 22, 2010
නොබිඳි දැහැන
ඔද තෙද හිරුගේ විකුමන් බලයෙන්
වියළුන කතරින් අබිනික්මන් කොට
බවුන් වඩමි සිත එක්තැන් කරගෙන
අමා ගගුලෙහි ගිලී නිවෙන සේ
දෙටගමුවේ වැව් කොමළිය තුරුලේ
සැගවී නැලවෙන නිමල කුමුදු පෙති
නැගෙනු එපා එක දිය රැල්ලක්
බිදී යාවි ඉන් මගේ සමාධිය
සුපුන් සදෙහි කිරි දියරෙන් නැහැවෙන
කිරි වෙහෙරේ මල් පූජාසනයට
ඉසිනු එපා එක මල් අහුරක්
බිදී යන සේ මගේ ධ්යානය
ජේ.එම්.පී.ඩී. කුමාර,
කතරගම ප්රාදේශිය ලේකම් කාර්යාලය.
වියළුන කතරින් අබිනික්මන් කොට
බවුන් වඩමි සිත එක්තැන් කරගෙන
අමා ගගුලෙහි ගිලී නිවෙන සේ
දෙටගමුවේ වැව් කොමළිය තුරුලේ
සැගවී නැලවෙන නිමල කුමුදු පෙති
නැගෙනු එපා එක දිය රැල්ලක්
බිදී යාවි ඉන් මගේ සමාධිය
සුපුන් සදෙහි කිරි දියරෙන් නැහැවෙන
කිරි වෙහෙරේ මල් පූජාසනයට
ඉසිනු එපා එක මල් අහුරක්
බිදී යන සේ මගේ ධ්යානය
ජේ.එම්.පී.ඩී. කුමාර,
කතරගම ප්රාදේශිය ලේකම් කාර්යාලය.
Subscribe to:
Posts (Atom)